ތަޢާރަފް

އެސްޑީއެފްސީ އަކީ މިސަރުކާރުގެ އެއް ވަޢުދުކަމުގައިވާ އެންމެ ކުދި، ކުދި އަދި މެދު ފަންތީގެ ވިޔަފާރިތަކަށް ދިމާވާ ދަތިތައް ހައްލުކުރުމަށްޓަކައި ފަސޭހައިން ލޯނު ލިބޭނެ މަގެއް ހަމަޖައްސަވައިދެއްވުމުގެ ގޮތުން ޤާއިމްކުރެވިފައިވާ ކުންފުންޏެކެވެ. މި ކުންފުނީގެ މައިގަނޑު މަޤްޞަދަކީ ދިވެހިރާއްޖޭގައި އަލަށް އުފައްދާ އަދި ކުރިއަރަމުން އަންނަ ކުދި އަދި މެދު ފަންތީގެ ވިޔަފާރިތަކަށް ބޭނުންވާނެ މާލީ އެހިތެރިކަން ފޯރުކޮށްދިނުމުގެ ގޮތުން ތަފާތު އިޤްތިޞާދީ ދާއިރާތަކަށް އަމާޒުކޮށް ލުއިގޮތަކަށް ލިބޭނޭ ލޯނު ތައާރަފްކޮށް އެމަސައްކަތް ދެމެހެއްޓެނިވި ގޮތެއްގައި ކުރިޔަށް ގެންދިޔުމެވެ.

އަމާޒު

އެންމެ ކުދި، ކުދި އަދި މެދު ފަންތީގެ ވިޔަފާރީތައް ކުރިއަރައި ތަރައްޤީކުރުމަށް ދެވޭނޭ ޙިދުމަތްތައް ފާހަގަކޮށް އެފަދަ ޙިދުމަތްތައް ފޯރުކޮށްދިނުމާއިއެކު، މިފަދަ ވިޔަފާރީތަކައް ބޭނުންވާ މާލީ އެހީތެރިކަން ލިބޭނެ ފަހިމަގެއް ހޯދައި ދިނުން.

ލަނޑުދަނޑި

އެންމެ ކުދި، ކުދި އަދި މެދު ފަންތީގެ ވިޔަފާރިތަކަށް އެހީތެރިކަމާއި އެއްބާރުލުން ފޯރުކޮށްދޭ ފުރިހަމަ މާލީ އިދާރާއަކަށްވުމާއިއެކު، އިޤްތިޞާދީ ތަރައްޤީގައި މިފަދަ ވިޔަފާރިތަކުގެ ބައިވެރިވުން އިތުރުކުރުން.

ކަސްޓަމަރުން

ދިވެހިރާއްޖޭގައި އެންމެ ކުދި، ކުދި އަދި މެދު ފަންތީގެ ވިޔަފާރި ފަށަން ގަސްތުކުރާ އަދި އެފަދަ ވިޔަފާރިއެއް މިހާރުވެސް ކުރަމުންދާ ކޮންމެ ފަރާތަކީ އަޅުގަނޑުމެންގެ ކަސްޓަމަރެކެވެ. އަޅުގަނޑުމެންގެ ބޭނުމަކީ މިފަދަ ވިޔަފާރިތައް އަޅުގަނޑުމެންގެ އެހީތެރިކަމާއިއެކު ބާރަށް ކުރިއަރައިގެން ދިއުމެވެ. އަދި އިޤްތިޞާދީ ތަރައްޤީ ގެނައުމުގައި މުޖްތަމަޢުގެ ހުރިހާ ފަރުދުންގެ ބައިވެރިވުން ހިމެނުމަކީ މުހިއްމުކަމެއްކަމުގައި އަޅުގަނޑުމެން ދެކެމެވެ. މިގޮތުން، އެސްޑީއެފްސީއިން ލޯނު ދޫކުރާއިރު ޒުވާނުން، އަންހެނުން އަދި ހާއްސަ އެހީއަށް ބޭނުންވާ ފަރާތްތައް ހުށަހަޅުއްވާ އެޕްލިކޭޝަންތަކަށް އިސްކަންދެވޭނެއެވެ.

އިސްކަންދޭ ދާއިރާތައް

ދިވެހިރާއްޖޭގެ އިޤްތިޞާދު ކުރިއަރުވައި ތަރައްޤީކުރުމަށްޓަކައި އަންނަނިވި ދާއިރާތަކަށް ބޭނުންވާ ލޯނު އެހީތެރިކަން ފޯރުކޮށްދިނުމަށް އެސްޑީއެފްސީ އިން އިސްކަންދޭނެއެވެ.

  • ޓޫރިޒަމް (ރަށު ފަތުރުވެރިކަން)
  • ދަނޑުވެރިކަން
  • މަސްވެރިކަން
  • އުފެއްދުންތެރިކަމާއި ގުޅުންހުރި ވިޔަފާރިތައް
  • އިންފޮމޭޝަން ކޮމިއުނިކޭޝަން ޓެކްނޮލޮޖީ

ލޯނު

ރަށު ފަތުރު ލޯނުގެ މުހިއްމު ބައިތައް

200,000 ރުފިޔާ އިން ފެށިގެން 5,000,000 ރުފިޔާ އާއި ހަމައަށް ލޯނު ލިބޭ

އިންޓަރެސްޓްގެ ގޮތުގައި އަހަރަކު %4 އިން ފެށިގެން

އަމިއްލައަށް ކުރަންޖެހޭ ހަރަދު ކަނޑައަޅާނީ މަޝްރޫޢަށް ބެލުމަށްފަހު (އެންމެ ގިނަވެގެން މަޝްރޫޢުގެ ޖުމްލަ އަދަދުގެ %20)

އަނބުރާ ދެއްކުމަށް 10 އަހަރުދުވަސް (ގްރޭސް މުއްދަތުގެ ގޮތުގައި ގިނަވެގެން 18 މަސްދުވަސް)

ލޯނުގެ އަދަދު 1,000,000 ރުފިޔާއަށްވުރެ ބޮޑުވާނަމަ ނުވަތަ މަޝްރޫޢުގެ ރިސްކަށް ބެލުމަށްފަހު އެސް.ޑީ.އެފް.ސީން އެދިއްޖެމަނަ މި ކޯޕަރޭޝަނުން ޤަބޫލުކުރާ އަދި ލޯނާއި އެކަށޭނެ ރަހުނެއް ހުށަހަޅަންވާނެ

އައު ގެސްޓްހައުސްތަކަށް ލޯނު ދިނުމުގައި ގެސްޓްހައުސް ހިންގުމަށް ގަސްތުކުރާ ރަށުގައި އިންފްރާސްޓްރަކްޗަރ ޤާއިމްވެފައި ހުރުން، އެއާޕޯޓާއި ކައިރި ރަށަކަށްވުން އަދި ފަތުރުވެރިން ޝަޢުޤު ވެރިވާނެފަދަ ވަސީލަތްތައް އެކުލެވޭ ސަރަހައްދަކަށްވުން

އަލަށް ފަށާ ގެސްޓްހައުސްތަކުގައި މަދުވެގެން 06 ކޮޓަރި ހުންނަންވާނެ

މިލޯނުދިނުމުގައި މިވަގުތު އިސްކަންދެވޭނީ ރަށުފަތުރުވެރިކަން ފުޅާދާއިރާއެއްގައި ތަރައްޤީވެފައިނުވާ ސަރަޙައްދުތަކަށް (މިވަގުތު އައު ގެސްޓުހައުސް ޤާއިމް ކުރުމަށް ލޯނު ނުދެވޭނެ ސަރަހައްދުތަކަކީ ގްރޭޓަރ މާލެ ސަރަހައްދު އަދި ކ.މާފުށި)

ރަށު

ފަތުރު

ރަށު ފަތުރު ލޯން ތަޢާރަފްކުރުމުގެ މައިގަނޑު ބޭނުމަކީ ރާއްޖޭގެ އަތޮޅުތަކުގައި ފަތުރުވެރިކަން އިތުރަށް ތަރައްޤީކޮށް، ކުދި އަދި މެދު ފަންތީގެ ވިޔަފާރީތަކަށް ފަތުރުވެރިކަމުގެ ދާއިރާއަށް ވަނުމުގެ މަގު ފަހި ކޮށްދިނުމެވެ. "ރަށު ފަތުރު" ގެ ސަބަބުން އަލަށް ފަށާ ވިޔަފާރިތަކަށާއި ކުރިއަރަމުންއަންނަ ވިޔަފާރިތަކަށް ފަތުރުވެރިކަމުގެ ދާއިރާ އަދި މިދާއިރާއާއި ގުޅުންހުރި ވިޔަފާރިތަކަށް ވަނުމުގެ ފުރުޞަތު އިތުރަށް ފުޅާވެގެންދާނެއެވެ.

ރަށު ފަތުރު ލޯން ބޭނުންކުރެވިދާނެ މަޤްޞަދު

މިހާރު ހިނގަމުންދާ ގެސްޓްހައުސްގެ މަރާމާތުކުރުމަށް
އަލަށް ފަށާ ގެސްޓްހައުސްތަކަށް
ގެސްޓްހައުސް ވިޔަފާރިއާއި ގުޅުންހުރި ވިޔަފާރިތައް ކުރިއެރުވުމަށް
ދުވަހުން ދުވަހަށް ބޭނުނުންވާ ޚަރަދުތައް ކުރުމަށް
ވިޔަފާރި އިސްތިހާރުކުރުމަށް އަދި ޓެކްނޮލޮޖީ ބޭނުންކޮށްކެން ވިޔަފާރި ކުރިއެރުވުމަށް

ވިޔަފާރި އެހީ ލޯނުގެ މުހިންމު ބައިތައް

3,000,000 ރުފިޔާއާއި ހަމައަށް ލޯނުދޫކުރެވޭ

ޕްރޮޖެކްޓް ނުވަތަ ކޮންޓްރެކްޓް ފައިނޭންސް ކުރާނާމަ ލޯނުގެ އަދަދު ކޮންޓްރެކްޓް އަގުގެ %60 (2,000,000 ރުފިޔާއަށް ވުރެ އިތުރު ނުވާގޮތަށް) އަށް ވެރެ ގިނަވެގެން ނުވާނެ

ލޯނު އަނބުރާ ދެއްކުމަށް ގިނަވެގެން 5 އަހަރު

ޕްރޮޖެކްޓް ނުވަތަ ކޮންޓްރެކްޓް ފައިނޭންސް ކުރާނަމަ ކޮންޓްރެކްޓް މުއްދަތުގެ އިތުރުން ގިނަވެގެން 3 މަސް ދުވަސް ( 12 މަސް ދުވަހަށްވުރެ އިތުރުނުވާގޮތަށް)

ލޯނުގެ އަދަދު 1,000,000 ރުފިޔާއަށްވުރެ ބޮޑުވާނަމަ ނުވަތަ މަޝްރޫޢުގެ ރިސްކަށް ބެލުމަށްފަހު އެސް.ޑީ.އެފް.ސީން އެދިއްޖެމަނަ މި ކޯޕަރޭޝަނުން ޤަބޫލުކުރާ އަދި ލޯނާއި އެކަށޭނެ ރަހުނެއް ހުށަހަޅަންވާނެ

ވިޔަފާރި

އެހީ

"ވިޔަފާރި އެހީ" ގެ މައިގަނޑު ބޭނުމަކީ ކުދި ވިޔަފާރިތަކަށް ކުރު މުއްދަތެއްގެ ތެރޭގައި ދަތިތަކާއި ނުލައި ބޭނުންވާ މާލީ އެހީ ފޯރުކޮށްދިނުމެވެ.

ވިޔަފާރި އެހީ ލޯން ބޭނުންކުރެވިދާނެ މަޤްޞަދު

މުދާ ގަތުމާއި ދުވަހުން ދުވަހަށް ބޭނުންވާ ވިޔަފާރީގެ ހަރަދުތައް ކުރުމަށް
ޕްރޮޖެކްޓް އަދި ކޮންޓްރެކްޓް ފައިނޭންސް ކުރުމަށް

ދަނޑުވެރި ނަފާ ލޯނުގެ މުހިއްމު ބައިތައް

ރަހުނަކާއި ނުލާ 75,000 ރުފިޔާގެ ލޯނު (އަމިއްލައަށް އެއްވެސް އަދަދެއް ހަރަދުކުރާކަށް ނުޖެހޭ)

އަމިއްލަ ފަރުދުންނަށް ގިނަވެގެން 500,000 ރުފިޔާގެ ލޯނު

ކޯޕަރޭޓިވްސް އަދި ކުންފުނިތަކަށް ގިނަވެގެން 2,000,000 ރުފިޔާގެ ލޯނު

އިންޓަރަސްޓްގެ ގޮތުގައި އަހަރަކު %6

އަމިއްލައަށް ކުރަންޖެހޭ ހަރަދު ކަނޑައަޅާނީ މަޝްރޫޢަށް ބެލުމަށްފަހު (އެންމެ ގިނަވެގެން މަޝްރޫޢުގެ ޖުމްލަ އަދަދުގެ %20 )

ލޯނު އަނބުރާ ދެއްކުމަށް ގިނަވެގެން 7 އަހަރު (ގްރޭސް މުއްދަތުގެ ގޮތުގައި ގިނަވެގެން 12 މަސް)

މަޝްރޫޢަށް ބެލުމަށްފަހު ރަހުނެއް ހުށަހަޅަންޖެހޭނަމަ އެސްޑީއެފްސީން ގަބޫލުކުރާ ރަހުނެއް ހުށަހެޅިދާނެ

ދަނޑުވެރި

ނަފާ

'ދަނޑުވެރި ނަފާ'، މި ލޯނަކީ އެސްޑީއެފްސީ އާއި މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ ގުޅިގެން ދިވެހިރާއްޖޭގައި ދަނޑުވެރިކަން ކުރާ ފަރާތްތަކަށް އެހީތެރިވުމުގެ ގޮތުން އެކުލަވާލެވުނު ލޯނެކެވެ. ދަނޑުވެރިކަމަކީ އެސްޑީއެފްސީއިން ލޯނު ދޫކުރުމުގައި އިސްކަންދޭ ދާއިރާއަކަށްވެފައި، މިދާއިރާގައި ހަރަކާތްތެރިވާ ފަރާތްތައް މެދުވެރިކޮށް ރާއްޖޭގެ އިޤްތިޞާދު ހަރުދަނާކުރުމަށް ބާރުއެޅޭނެކަމަށް އަޅުގަނޑުމެން ދެކެމެވެ.

ދަނޑުވެރި ނަފާ ބޭނުންކުރެވިދާނެ މަޤްޞަދު

ޓެކްނޮލޮޖީ ބޭނުންކޮށްގެން ޒަމާނީ ދަނޑުވެރިކަން ކުރުމަށް (އަރބަން އެގްރިކަލްޗަރ، ގްރީން ހައުސް ފަދަ ޕްރޮޓެކްޓެޑް އެގްރިކަލްޗަރ އަދި ވަރޓިކަލް ދަނޑުވެރިކަންފަދަ ކަންތައްތައް)
ޕޯލްޓްރީ އަދި ދިރޭމާލު (ދަނޑުވެރިކަމުގައި ގެންގުޅޭ ކުދި ޖަނަވާރު ގެންގުޅުން)
އެގްރޮފޮރަސްޓްރީ ނުވަތަ ގަހުގެ ނާސަރީތައް ޤާއިމްކުރުން
ވެލިއު އެޑިޝަންގެ މަސައްކަތްތަކަށް

ހަރުމުދާ ލޯނުގެ މުހިއްމު ބައިތައް

ލޯނުގެ ގޮތުގައި 100,000 ރުފިޔާއާއި 5,000,000 ރުފިޔާއާއި ދެމެދުގެ އަދަދެއް

އިންޓަރަސްޓް ރޭޓް އަހަރަކު %4 އިން ފެށިގެން

އަމިއްލައަށް ކުރަންޖެހޭ ހަރަދު ކަނޑައަޅާނީ މަޝްރޫޢަށް ބެލުމަށްފަހު (އެންމެ ގިނަވެގެން މަޝްރޫޢުގެ ޖުމްލަ އަދަދުގެ %20)

ލޯނު އަނބުރާ ދެއްކުމަށް ގިނަވެގެން 10 އަހަރު (ގްރޭސް މުއްދަތުގެ ގޮތުގައި ގިނަވެގެން 1 އަހަރު)

މި ލޯނުގެ އަދަދު 1,000,000 ރުފިޔާއަށްވުރެ ބޮޑުވާނަމަ ނުވަތަ މަޝްރޫޢުގެ ރިސްކަށް ބެލުމަށްފަހު އެސް.ޑީ.އެފް.ސީން އެދިއްޖެމަނަ މި ކޯޕަރޭޝަނުން ޤަބޫލުކުރާ އަދި ލޯނާއި އެކަށޭނެ ރަހުނެއް ހުށަހަޅަންވާނެ

ވިޔަފާރި ހިންގާތާ މަދުވެގެން 2 އަހަރު ދުވަސް ވާންވާނެ (މީގެތެރޭގައި ކަނޑު އުޅަނދު ގަނެގެން އަލަށް ވިޔަފާރިކުރާ ފަރާތްތައް ނުހިމެނޭ)

ކަނޑު އުޅަނދު ގަނެގެން އަލަށް ވިޔަފާރިކުރާ ފަރާތްތެއް ނަމަ، ލޯނަށް އެދާ ފަރާތަކީ އެވިޔަފާރި ކުރާ ދާއިރާއަކުން ތަޖުރިބާ ލިބިފައިވާ ފަރާތަކަށްވުން

ގަންނަން ހުށައަޅާ އުޅަނދަކީ ރަޖިސްޓްރީ ކުރިފަހުން 05 އަހަރު ދުވަސްވެފައި ނުވާ އުޅަނދަކަށްވުން

ފެރީ ޚިދުމަތުގެ ވިޔަފާރި ކުރުމަށް ހަމަޖެހިފައިވާ ރަށަކީ އެމްޓީސީސީ ފެރީ ޚިދުމަތްތައް ޤާއިމު ކުރެވިފައި ނުވަތަ ފެރީ ޚިދުމަތް ފެށުމަށް ހަމަޖެހިފައިވާ ރަށަކަށް ނުވުންން

އައިސްޕްލާންޓްއާއި ގުޅޭ މަޝްރޫޢެއްނަމަ ވިޔަފާރި ކުރުމަށް ހަމަޖެހިފައިވާ ރަށަކީ ސަރުކާރުން އައިސްޕްލާންޓް ޤާއިމުކޮށްފައިވާ ނުވަތަ އައިސްޕްލާންޓްގެ ޚިދުމަތް ފެށުމަށް ހަމަޖެހިފައިވާ ރަށަކަށް ނުވުން

ހަރުމުދާ

އެސްޑީއެފްސީގެ 'ހަރުމުދާ' ލޯނުގެ މަޤްޞަދަކީ ކުދި އަދި މެދު ފަންތީގެ ވިޔަފާރިތައް ތަރައްޤީކޮށް ކުރިޔަށް ގެންދިޔުމަށް ބޭނުންވާ ހަރުމުދާ ހޯދައިދިނުމަށް އެހީތެރިވެދިނުމެވެ. މި ލޯނު މެދުވެރިކޮށް މުދާ ގަތުމުގެ ފުރުސަތު ހުޅުވާލެވިފައިވަނީ އިމާރަތްކުރުން، މަސްވެރިކަން، ދަތުރުފަތުރު، އިންފޮމޭޝަން ކޮމިއުނިކޭޝަން ޓެކްނޮލޮޖީ އަދި އުފެއްދުންތެރިކަމުގެ ދާއިރާގައި ހަރަކާތްތެރިވާ ވިޔަފާރިތަކަށެވެ.

ހަރުމުދާ ބޭނުންކުރެވިދާނެ މަޤްޞަދު

ވިޔަފާރިއަށް ބޭނުންވާ މެޝިނަރީ، އިކުއިޕްމަންޓް، ކަނޑުއުޅަނދު ފަހަރާއި އަދި ވެހިކަލް ގަތުމަށް

ވިޔަފާރި ތަރައްޤީ ލޯނުގެ މުހިއްމު ބައިތައް

ލޯނުގެ ގޮތުގައި ގިނަވެގެން 5,000,000 ރުފިޔާ

އިންޓަރެސްޓްގެ ގޮތުގައި އަހަރަކު %4 އިން ފެށިގެން

އަމިއްލައަށް ކުރަންޖެހޭ ހަރަދު ކަނޑައަޅާނީ މަޝްރޫޢަށް ބެލުމަށްފަހު (އެންމެ ގިނަވެގެން މަޝްރޫޢުގެ ޖުމްލަ އަދަދުގެ %20)

ލޯނު އަނބުރާ ދެއްކުމަށް ގިނަވެގެން 10 އަހަރު (ގްރޭސް މުއްދަތުގެ ގޮތުގައި ގިނަވެގެން 1 އަހަރު)

ލޯނުގެ އަދަދު 1,000,000 ރުފިޔާއަށްވުރެ ބޮޑުވާނަމަ ނުވަތަ މަޝްރޫޢުގެ ރިސްކަށް ބެލުމަށްފަހު އެސް.ޑީ.އެފް.ސީން އެދިއްޖެމަނަމަ ކޯޕަރޭޝަނުން ޤަބޫލުކުރާ އަދި ލޯނާއި އެކަށޭނެ ރަހުނެއް ހުށަހަޅަންވާނެ

ވިޔަފާރި ހިންގާތާ މަދުވެގެން 2 އަހަރު ދުވަސް ވެފައިވާ ފަރާތަކަށް ވާންވާނެ ( ވިޔަފާރީގެ އާމްދަނީ 10 މިލިއަނަށްވުރެ އިތުރުވާނަމަ ނުވަތަ ލޯނުއަދަދު 2 މިލިއަނަށްވުރެ އިތުރުވާނަމަ މާލީ ހިސާބުތައް ހުށަހަޅަންވާނީ މޯލްޑިވްސް އިންލޭންޑް ރެވެނިއު އޮތޯރިޓީއިން ޤަބޫލުކުރާ އޮޑިޓަރެއްގެ އޮޑިޓް ރިޕޯޓާއިއެކު)

މިލޯނުގެ ދަށުން އަލަށްފަށާ މަޝްރޫޢުތަކަށާއި އިތުރު ދާއިރާތަކަށް ވިޔަފާރި ފުޅާކުރުމަށް ލޯނު ދޫކުރުން ވަނީ ވަގުތީ ގޮތުން ހުއްޓާލެވިފައި

އައިސްޕްލާންޓްއާއި ގުޅޭ މަޝްރޫޢެއްނަމަ ވިޔަފާރި ކުރުމަށް ހަމަޖެހިފައިވާ ރަށަކީ ސަރުކާރުން އައިސްޕްލާންޓް ޤާއިމުކޮށްފައިވާ ނުވަތަ އައިސްޕްލާންޓްގެ ޚިދުމަތް ފެށުމަށް ހަމަޖެހިފައިވާ ރަށަކަށް ނުވުން

ވިޔަފާރި

ތަރައްޤީ

އެސްޑީއެފްސީގެ 'ވިޔަފާރި ތަރައްޤީ' ލޯނުގެ މަޤްޞަދަކީ ކުދި އަދި މެދު ފަންތީގެ ވިޔަފާރިތައް އިތުރަށް ތަރައްޤީ ކުރުމަށް ބޭނުންވާ މާލީ އެހީތެރިކަން ފޯރުކޮށްދިނުމެވެ. "ވިޔަފާރި ތަރައްޤީ" ގެ ސަބަބުން ކުދި އަދި މުދެ ފަންތީގެ ވިޔަފާރިތައް އިތުރަށް ފުޅާވެ، ދިގު މުއްދަތުގެ އިންވެސްޓްމަންޓްތައް ކުރުމަށް މަގުފަހިވެގެންދާނެއެވެ.

ވިޔަފާރި ތަރައްޤީ ބޭނުންކުރެވިދާނެ މަޤްޞަދު

ވިޔަފާރިތައް އިތުރަށް ފުޅާކޮށް އަދި ތަރައްޤީ ކުރުމަށް
ވިޔަފާރިތައް އިތުރަށް ކުރިއެރުވުމުގެ ގޮތުން ވިޔަފާރި ކުރާތަނުގެ ޖާގަ ބޮޑުކުރުމަށް
ހިނގަމުންދާ ވިޔަފާރީއާއި ގުޅުންހުރި ދާއިރާގެ ތެރެއިން އައު މުދަލާއި ޚިދުމަތްތައް ތަޢާރަފްކުރުމަށް
ވިޔަފާރީގައި ހުރި މެޝިނަރީ އާއި އިކުއިޕްމަންޓް އަދި ވިޔަފާރި ކުރާ ތަނުގެ ފެންވަރު ރަނގަޅުކުރުމަށާއި މަރާމާތުކުރުމަށް

ފަށާ ވިޔަފާރި ލޯނުގެ މުހިއްމު ބައިތައް

ލޯނުގެ ގޮތުގައި ގިނަވެގެން 2,000,000 ރުފިޔާ

އިންޓަރެސްޓްގެ ގޮތުގައި އަހަރަކު %4 އިން ފެށިގެން

އަމިއްލައަށް ކުރަންޖެހޭ ހަރަދު ކަނޑައަޅާނީ މަޝްރޫޢަށް ބެލުމަށްފަހު (އެންމެ ގިނަވެގެން މަޝްރޫޢުގެ ޖުމްލަ އަދަދުގެ %20)

ލޯނު އަނބުރާ ދެއްކުމަށް ގިނަވެގެން 10 އަހަރު (ގްރޭސް މުއްދަތުގެ ގޮތުގައި ގިނަވެގެން 18 މަސް ދުވަސް)

ލޯނުގެ އަދަދު 1,000,000 ރުފިޔާއަށްވުރެ ބޮޑުވާނަމަ ނުވަތަ މަޝްރޫޢުގެ ރިސްކަށް ބެލުމަށްފަހު އެސް.ޑީ.އެފް.ސީން އެދިއްޖެމަނަ މި ކޯޕަރޭޝަނުން ޤަބޫލުކުރާ އަދި ލޯނާއި އެކަށޭނެ ރަހުނެއް ހުށަހަޅަންވާނެ

ކެފޭ، ރެސްޓޯރަންޓް، ރީޓެއިލް ވިޔަފާރި (އާންމު މުދާ އަދި އަންނައުނު ވިއްކާ ވިޔަފާރިތައް) ފެށުމަށް ލޯނު ދޫކުރުންވަނީ ހުއްޓާލެވިފައި

ފަށާ

ވިޔަފާރި

އެސްޑީއެފްސީގެ 'ފަށާ ވިޔަފާރި' ލޯނު ތަޢާރަފްކުރުމުގެ މައިގަނޑު މަޤްޞަދަކީ ދިވެހިރާއްޖޭގައި އަލަށް ފަށައިގަންނަ ކުދި އަދި މެދު ފަންތީގެ ވިޔަފާރިތަކަށް މާލީ އެހީތެރިކަން ފޯރުކޮށްދިނުމެވެ. "ފަށާ ވިޔަފާރި" ގެ ދަށުން އަލަށް ފަށާ ވިޔަފާރިތަކަށް ބޭނުންވާ ހަރުމުދަލާއި ވިޔަފާރި ހިންގުމަށް ބޭނުންވާ އެހެނިހެން ޙަރަދު ކުރުމަށް މާލީ އެހީ ލިބިގެންދާނެއެވެ.

ފަށާ ވިޔަފާރި ބޭނުންކުރެވިދާނެ މަޤްޞަދު

ފަށާ ވިޔަފާރިތަކަށް މާލީ އެހީތެރިކަން ފޯރުކޮށްދިނުމަށް

ވިޔަފާރި ދިރުން ލޯނުޕެކޭޖުގެ މުހިންމު ބައިތައް

ލޯނުގެ ގޮތުގައި ގިނަވެގެން ދޫކުރެވޭނީ 1,000,000 ރުފިޔާ

އިންޓަރެސްޓްގެ ގޮތުގައި އަހަރަކު %6

ލޯނު އަނބުރާ ދައްކަން 5 އަހަރާއި 8 އަހަރުގެ މުއްދަތެއް ލިބޭނެ

ގްރޭސް ޕީރިއަޑް ގެ ގޮތުގައި 1-2 އަހަރު ދުވަހުގެ މުއްދަތެއް ލިބޭނެ

ރަހުނެއް ބޭނުމެއްނުވާނެ

ވިޔަފާރި ޑައިވަރސިފައި ކުރުމަށް ނަގާ ލޯނެއްގައި މެނުވީ އިކުއިޓީއެއް ބޭނުމެއްނުވާނެ

ވިޔަފާރި

ދިރުން

މި ލޯނަކީ ދިވެހި ސަރުކާރާއި އެސް.އެމް.އީ ޑިވެލޮޕްމަންޓް ފައިނޭންސް ކޯޕަރޭޝަން ގުޅިގެން، އެންމެ ކުދި، ކުދި އަދި މެދު ފަންތީގެ ވިޔަފާރިތަކަށް ކޯވިޑް-19 ގެ ސަބަބުން މާލީގޮތުން ކުރިމަތިވެފައިވާ ދަތިތަކަށް ލުޔެއް ހޯދައިދިނުމަށާއި ދެމެހެއްޓެނިވި ގޮތެއްގައި ވިޔަފާރިތައް ކުރިއެރުވުމަށް ދޫކުރާ ލޯނެކެވެ.

މި ލޯނު ދޫކުރުމަށް ކަނޑައެޅިފައިވާ މައިގަނޑު 3 ޕެކޭޖަކީ:

ޕެކޭޖް 1: ވިޔަފާރި ހިންގުމަށް ބޭނުންވާ ފައިސާގެ އެހީ

ޕެކޭޖް 2: ހިނގަމުންދާ ޕްރޮޖެކްޓްތައް ނިންމުމަށް

ޕެކޭޖް 3: ދެމެހެއްޓެނިވި ގޮތެއްގައި ވިޔަފާރި ޑައިވަރސިފައިކުރުމާއި ލޯނު ނުހިމެނޭ ގޮތަށް ވިޔަފާރި އާއި ގުޅޭ ފަންނީ ލަފާ ދިނުން

LOAN
REPAYMENT CALCULATOR (EMI)

LOAN AMOUNT
MVR
INTREST RATE (%)
REPAYMENT PERIOD (YEARS)
GRACE PERIOD (MONTHS)
Kindly note that this is an estimate, and the actual repayment amount may differ.

ޚަބަރު

އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން ޕްރައިވެޓް ލިމިޓެޑް (އެސްޑީއެފްސީ) ގެ މަސައްކަތް ފަށައިގަތުމަށް ބޭނުންވާ މޯލްޑިވްސް މަނިޓަރީ އޮތޯރިޓީއިން ދޫކުރާ 'ފައިނޭންސިންގ ބިޒްނަސް ލައިސަންސް' މި ކޯޕަރޭޝަނަށް ލިބިފައިވަނީ 28 ފެބްރުއަރީ 2019 ގައެވެ.

މިކޯޕަރޭޝަނަކީ ސަރުކާރުގެ އިތުރުން މާލެ، ފުވައްމުލައް އަދި އައްޑޫ ސިޓީ ކައުންސިލްގެ ހިއްސާއާއި އެކު އުފެއްދިފައިވާ ކުންފުންޏެކެވެ. އެސްޑީއެފްސީގެ ވިޔަފާރި ފެށުމުން ކުދި އަދި މެދު ފަންތީގެ ވިޔަފާރިތަކަށް ލޯނު ހޯދަން ފަސޭހަވެ މާލީ ދާއިރާގެ ވާދަވެރިކަން އިތުރު ވެގަންދާނެކަމަށް ބެލެވެއެވެ.